लेखनकला
ट्रेन्डिङ

“स्तनपान बच्चा र आमा बीचको भावनात्मक सम्बन्धको कुरा गर्दा एक नारीको लागि यो एउटा वरदान सरह नै हो ।”-मीरा बस्नेत

World Breastfeeding week August 1-7 विश्व स्तनपान सप्ताह २०२३

म एक नारी, एक मातृत्वले भरिएको नारी। करूणा,माया,दयाले भरिएको नारी,एउटै रूपमा अनेकौ सम्बन्धले गासिएको नारी अनि एक आमा पनि । यही साउन १६ गते, मंगलबारको दिन देखि विश्व स्तनपान सप्ताह शुरू भइसकेको छ। प्रत्येक वर्ष अगस्ट १ देखि ७ तारिख सम्म आयोजना गरि मनाइने विश्व स्तनपान सप्ताह- सन १९९२ बाट मनाउन शुरू गरिएको हो । जन्मेको एक घण्टा भित्र आमाको दुध खुवाउन शुरू गर्नु नै आमा र बच्चा बीचको मातृत्वको भावना शुरू हुनु हो । केही दिन सम्म आउने बिगौते दुधले बच्चाको स्वास्थ्यलाई विभिन्न रोगसँग लड्न सक्ने क्षमता बढाउँछ । 


स्तनपान बच्चा र आमा बीचको भावनात्मक सम्बन्धको कुरा गर्दा एक नारीको लागि यो एउटा वरदान सरह नै हो ।आजको युगमा स्तनपान चाहेर पनि गराउन नपाउने र स्तनपान गराउन नचाहने आमाहरूको भावना पनि बेग्ला-बेग्लै छन् । स्तनपान गर्न पाएर आफ्नो शारीरिक विकासलाई गति दिन पाउने सौभाग्यशाली शिशु जसले आफ्नो आमाको छातीमा टाँसिएर आफ्नो जीवनको वृद्धि विकासलाई अघि बढाउँछ । आमाले खाएको खानाको पोष,ताकत सँगै आमाको ममता अनि मनोवैज्ञानिक भावना आमाको स्पर्श र मातृत्वको पनि अनुभव गर्ने मौका पाउछ ।


आमा संसारको एक पवित्र अनि करुणामय शब्द उनै आमा जसले आफ्नो वक्षस्थलमा राखी स्तनपान गराउँदा उत्पन्न हुने मायाको तरंग उनले आफ्नो शिशुलाई प्रदान गर्दछिन् । विभिन्न कारणहरु जस्तै: प्रसवकाल पछि आमाले प्रयोग  गर्नु पर्ने औषधीहरू,त्यसै गरी सुत्केरीले पोषिलो खाना खान नपाएर स्तनपान गराउन नपाउनु अनि अरू विभिन्न कारणहरुले स्तनपान गराउन नपाएका आमाहरुका पनि आफ्नै बाध्यताहरू हुन सक्छन् । स्तनपान स्वस्थ,सफा भावना रूपि आमाको मायाले भरिएको अमृत रूपि जीवन प्रदायक प्रक्रिया हो,जसको पान गर्नाले एउटा शिशु विकसित भएर राष्ट्रको असर र  मजबुत नागरिक बन्दछ।


स्तनपान गराउन नपाउँदा बाहिरी दुधका बट्टाहरु किन्नु पर्ने बाध्यता सँगै आर्थिक रूपमा पनि खर्चिलो बन्ने गर्दछ । आर्थिक रूपमा पनि शिशुका आमा,बुवाले दुधको भार खेप्नुपर्ने बाध्यता रहन्छ । त्यसै गरी शिशुमा दुध पिलाउँदा आमाको दुध जति पोषिलो,सफा र स्वास्थ्य वर्धक नभएको पनि हामी विचार गर्न सक्छौँ ।त्यसैले एक आमा र बच्चाको सम्बन्ध अति नै ममतामय प्रगाढ बनाउन स्तनपान एक महत्वपूर्ण तरिका हो।


स्तनपान गर्नाले बच्चाको र आमा दुबैको स्वास्थ्य सबल रहने अनि मातृत्वको भावना उर्लेर आउने भएकोले नवजात शिशु आमासँग निकै नजिक र मातृत्वासल्य प्राप्त गर्न तप्तर हुने गर्दछ।त्यसै गरी यसपाली सन २०२३ को स्तनपान सप्ताह नारा- “Enabling breastfeeding making a  difference for working parents ” रहेको छ ।यस नारा सहित मनाइदै गरेको स्तनपान सप्ताह प्रत्येक आमाहरूलाई एउटा मातृत्वको भावनात्मक सम्बन्ध हुने गर्दछ र त्यस कुरामा हामीले विचारधिन भएर स्तनपान गराउन सके आमा र बच्चा बीचको सम्बन्ध र अरू धेरै कुरा पनि राम्रो हुने कुरा विश्वास गर्न सकिन्छ ।
                         

-मीरा बस्नेत  
   शिक्षक
   फ्यूचर स्टार्स हाई स्कुल,
   जावलाखेल                                                                                                                                                                                                

साहित्य नेपाल

साहित्य नेपाल एउटा निष्पक्ष साहित्य ब्लग हो । विशेष गरी यस ब्लगलाई हामि बिद्यार्थी समुहले साहित्य क्षेत्रका समाचार, घटना, मनोरञ्जान तथा अन्य विविध पक्षलाई समेट्ने प्रयास गरि बनाएका हो।

सम्बन्धित लेखहरू

यो पनि जाँच गर्नुहोस्
Close
Back to top button